Finndu nám eða námskeið sem hentar þér
Finndu nám eða námskeið sem hentar þér
Kynntu þér námsframboð MSS eða pantaðu tíma í náms- og starfsráðgjöf og skoðaðu þína möguleika
Kynntu þér námsframboð MSS eða pantaðu tíma í náms- og starfsráðgjöf og skoðaðu þína möguleika
Framundan hjá MSS
5. október 2026
Frá starfsmanni til leiðtoga er hagnýtt og hnitmiðað námskeið fyrir fólk sem vill efla sig í starfi, taka meiri ábyrgð og undirbúa sig fyrir framtíðarhlutverk sem leiðtogi. Námskeiðið er ekki hugsað sem langt eða fræðilegt stjórnendanám, heldur sem praktísk verkfærakista fyrir fólk sem vill skilja betur hvernig góðir leiðtogar hugsa, skipuleggja, eiga samskipti og fylgja verkefnum eftir.Áhersla er lögð á einföld verkfæri úr stjórnun, þjónandi forystu, samskiptum, gæðavinnu, verkefnastjórnun og Agile-hugsun. Þátttakendur vinna með raunveruleg dæmi úr eigin starfsumhverfi og velja eitt lítið umbótaverkefni sem þeir geta haft áhrif á.
Leiðbeinandi:Stefán Hafsteinsson iðjuþjálfi, ráðgjafi og kennari með B.Sc. í iðjuþjálfunarfræðum frá Háskólanum á Akureyri og MS í forystu og stjórnun með áherslu á verkefnastjórnun frá Háskólanum á Bifröst.
Tími og staðsetning:Námið hefst 5. október og lýkur 3. nóvember 2026.Kennt er á Teams á þriðjudögum og fimmtudögum kl. 17:00 - 19:00.
Styrkir vegna skólagjalda:Hægt er að sækja um styrk vegna skólagjalda til fræðslusjóða stéttarfélaga.Ekki gleyma að kanna þinn rétt.
Nánari upplýsingar veitir:Nanna Bára - Netfang: nanna@mss.is / namskeid@mss.is - Sími 421-7500
Verð og upplýsingar á námskeiðum eru birt með fyrirvara um breytingar.
69.900 kr.
Ummæli einstaklinga
Ég ákvað að fara í raunfærnimat vegna þess að ég þekkti manneskju sem hafði farið í svona mat. Síðan matið fór fram er ég búin að klára nám í matartækni frá MK. Ég fékk helling metið í raunfærnimatinu. Ég myndi segja við þann sem er að hugsa um að fara í svona mat að drífa sig því þetta er algjör snilld að eiga möguleika á því að ná sér í réttindi með svona auðveldum hætti.
Bryndís Rúnarsdóttir - þátttakandi í raunfærnimati
Um MSS
Miðstöð símenntunar á Suðurnesjum var stofnuð 10. desember 1997. Mikil fjölgun valkosta varð í menntunarmálum á Suðurnesjum við stofnun Miðstöðvarinnar. Þar með varð aðgengi almennings að námskeiðum meira og aukið svigrúm skapaðist til sí- og endurmenntunar. Á þeim árum sem Miðstöð símenntunar á Suðurnesjum hefur verið starfrækt hefur starfsemin vaxið jafnt og þétt og námsframboðið tekið mið af þörfum viðskiptavina hverju sinni.
Meginhlutverk Miðstöðvar símenntunar á Suðurnesjum er að efla sí- og endurmenntun Suðurnesjamanna, auka menntun og lífgæði íbúa svæðisins og efla þannig einstaklinga og atvinnulíf.
Miðstöðin leggur metnað sinn í að veita ráðgjöf og persónulega þjónustu ásamt umhverfi til náms þar sem einstaklingum líður vel.
