Hreyfing
Hreyfing gegnir lykilhlutverki fyrir heilsu og vellíðan einstaklinga. Hún hefur jákvæð áhrif á
öll líffærakerfi líkamans. Hún styrkir hjarta og æðakerfið og bætir andlega líðan, styrk og þol.
Samvinna vinnur heildrænt með hindranir þátttakenda og leggur því mikið upp úr því að
bjóða upp á allskyns hreyfingu svo að allir geti fundið eitthvað við sitt hæfi og sinnt því í
endurhæfingu sinni.
Göngur
Farið er í stuttar og lengri göngur allt eftir getu hvers og eins undir leiðsögn ráðgjafa Samvinnu
eða leiðsögumanns. Ef veður er slæmt er möguleiki á að fara í göngu í Reykjaneshöllinni.
Þjálfun í tækjasal
Boðið er upp á þjálfun undir handleiðslu íþróttafræðings í Orkustöðinni í Reykjanesbæ. Hreyfingin er einstaklingsmiðuð og geta þátttakendur einnig mætt í aðstöðu Ásjár á öðrum tíma til að fylgja eftir áætlun sem sjúkraþjálfari hefur sett upp með viðkomandi einstaklingi.
Einstaklingsmiðuð æfingaáætlun
Þátttakendum Samvinnu stendur til boða að fá einstaklingsmiðaða æfingaáætlun í samráði við íþróttafræðing.
Sund
Þátttakendum Samvinnu stendur til boða að fá sundkort sem veitir þeim aðgang að Vatnaveröld í Reykjanesbæ.
Jóga
Boðið er upp á Hugleiðslu & jóga þar sem jógakennari kemur og leiðir tímann. Um er að ræða notalega tíma þar sem þátttakendur fá jógadýnur, púða og teppi til að nota í tímum. Þátttakendur geta einnig sótt jógatíma sem eru kenndir utan Samvinnu.
Líkamsræktarstöðvar
Samvinna tekur þátt í að greiða niður líkamsræktarkort fyrir þá einstaklinga sem eru að sinna reglulegri hreyfingu á líkamsræktarstöð.
Fyrirlestrar
Reglulega koma sérfræðingar með fræðslu um mikilvægi hreyfingar, rétta líkamsbeitingu við hreyfingu, verki - að lifa með verkjum svo eitthvað sé nefnt.