Menntastoðir - Staðnám
Menntastoðir eru undirbúningsnám fyrir iðn- og tækninám eða frumgreinadeildir háskólanna: Keilir, Bifröst og HR.
Lokamarkmið Menntastoða er fyrst og fremst að námsmenn auki færni sína í þeim námsþáttum sem kenndir eru þannig að þeir geti tekist á við nám við frumgreinadeild háskóla, þ.e. uppfylli viðmið á þrepi tvö.
Markmið eru að námsmaður:
- þekki þær leiðir sem henta honum til náms
- hafi jákvæð viðhorf gagnvart áframhaldandi námi
- hafi bætt sjálfstraust sitt og aukið færni sína í samskiptum við aðra
- sé fær um að vinna verkefni sjálfstætt og skipulega, afla og miðla upplýsingum með ýmsu móti.
Námsgreinar:
- Enska
- Danska
- Íslenska
- Lokaverkefni
- Námstækni
- Samfélagsgrein
- Stærðfræði
- Upplýsingatækni
Námsmat
Verkefnaskil, kannanir og virk þátttaka (Símat).
Kennslufyrirkomulag
Menntastoðir staðnám tekur rúma fjóra mánuði og telur til allt að 60 eininga. Kennsla á sér stað virka daga frá klukkan 08:30 – 15:30 nema á föstudögum til 12:10 í húsnæði MSS. Stoðver er í boði fyrir nemendur á föstudögum frá 12:45 -15:30, þar hafa nemendur aðgengi að kennara og fengið aðstoð með námið. Staðnám er kjörið fyrir þá nemendum sem hafa svigrúm til þess að ljúka námi á stuttum tíma.
Útskrift Menntastoða, ásamt fleiri námsleiðum, er haldin hátíðleg í lok náms.
Styrkir vegna skólagjalda
Hægt er að sækja um styrki vegna skólagjalda til fræðslusjóða stéttarfélaga.
Nánari upplýsingar
Nánari upplýsingar veita Linda og Hólmfríður, í síma 421-7500 eða á menntastodir@mss.is
Haft verður samband við alla skráða nemendur í byrjun janúar
Verð á námsleiðum er birt með fyrirvara um breytingar
Verð: 212.000
Tímabil: 13. janúar - 22. maí
